Up Keierpadden

"Pottkiekers dröfft dat"

imke.schwarz@evlka.de (Imke Schwarz und Benita Brunnert) — Thu, 01 Oct 2026 18:34:00 +0200

In de 29. Stremel van hör Podcast "Up Keierpadden" snacken Benita Brunnert un Imke Schwarz mit Tanja Haase ut Hermannsburg. Tanja kennt sük mit Physiotherapie genauso good ut as mit Ernährung - se hett u.a. mit Imke Schwarz dat Format "Pottkiekers dröfft dat" erfunnen. Hier koken Jung un Old tosamen - allns "up Platt"! Butendem weet Tanja ´n Bült över Zöliakie un helpt anner Lüü in´n Gruppe, daarmit beter klar to komen.

Mit Annie Heger över Krankheit, Kark un Kunst

imke.schwarz@evlka.de (Imke Schwarz un Benita Brunnert) — Thu, 03 Sep 2026 15:38:00 +0200

Benita Brunnert un Imke Schwarz sünd ditmal mit´n Multitalent "up Keierpadden" unnerwegens: Annie Heger. Se is Sängerin, Moderatorin, Autorin, Predigerin, Entertainerin un noch so vööl mehr - up Hoch un up Platt. Annie Heger vertellt, wat hör de Gloov bedüden deit, proot´t open över hör Krankheit un daaröver, warüm sük dat lohnt, luut to seggen, wat man denkt.

Snack mit Johannes Buhr

imke.schwarz@evlka.de (Imke Schwarz un Benita Brunnert) — Thu, 06 Aug 2026 17:00:00 +0200

In de 27. Folge van hör Podcast "Up Keierpadden" snacken Benita Brunnert un Imke Schwarz mit Johannes Buhr. De heet nich bloot so, de is ok Buur un brengt Schoolkinner up´n Hoff in de Lüneburger Heid bi, wo man Höhner foort, Tuffels plant un de Swienstall utmist. Dat een of anner Word up Platt lehren de Kinner denn blangenbi - Johannes kennt sük ok mit Spraaken ut un hett u.a. mit plattdüütsch Theater up de Bühn stahn.

Mien Leeder van´t Leben

imke.schwarz@evlka.de (Imke Schwarz un Benita Brunnert) — Thu, 02 Jul 2026 20:00:00 +0200

Imke Schwarz un Benita Brunnert kieken in hör egen Leben torügg un snacken daaröver, wat för Leeder för hör wichtig sünd un weern. Van Reinhard Mey över Fleetwood Mac bit hen to´n Speelmannszug - höör mal rin!

Snack mit Lisa Wrogemann

imke.schwarz@evlka.de (Imke Schwarz un Benita Brunnert) — Thu, 04 Jun 2026 15:00:00 +0200

De 25. Folge van "Up Keierpadden" is ruut! Imke Schwarz un Benita Brunnert snacken mit "Plattfluencerin" Lisa Wrogemann över hör Reisen mit "Lissy", Heemat un Fernweh, Meditation up Platt und de Winter in Island.

Danz mit mi!

imke.schwarz@evlka.de (Imke Schwarz un Benita Brunnert) — Thu, 30 Apr 2026 09:22:00 +0200

In de 24. Folge van hör Podcast sünd Imke Schwarz un Benita Brunnert nich mehr an´t Keiern, nee, se danzen! Mit Danzmesterke Kerstin de Vries ut Ostfreesland wagen se sük up´t Parkett. Dat dreiht sük üm de Danz in den Mai, de neje Trends in Danzscholen, Tango in d´Kark un waarüm sük dat doch lohnt, de egen Keerl to´n Danzkurs to överreden.

Daar kann ik up verzichten!

imke.schwarz@evlka.de (Imke Schwarz un Benita Brunnert) — Thu, 02 Apr 2026 20:00:00 +0200

De 23. Folg van de Podcast "Up Keierpadden" kummt an´n Karfreedag (oder ok "Still Freedag") ruut. Een besünner Dag bald an´n Enn van de Fastentied. Benita Brunnert un Imke Schwarz snacken daaröver, waarup se verzichten köönt, verzicht hebbt un waar man de Blick an Still Freedag up utrichten kann.

Över Kunst un social media - Snack mit Hilka Jeworrek

imke.schwarz@evlka.de (Imke Schwarz un Benita Brunnert) — Fri, 06 Mar 2026 17:12:00 +0100

Se nöömt sük "Ballerdutje" up social media un is bekannt dör de Podcast "Party, Platt un Plüschmors": Hilka Jeworrek is ditmal mit Imke Schwarz un Benita Brunnert up Keierpadden unnerwegens. Snackt word över social media, Kunst up Platt un´n Bruutpoor, dat villicht gar kien is. Rinhören!

Snacken, proten, kören mit Thees Becker

imke.schwarz@evlka.de (Imke Schwarz un Benita Brunnert) — Thu, 05 Feb 2026 17:17:00 +0100

Snackst du noch oder prootst du al? Büst villicht sogar an´t Kören? Plattdüütsch is nich glieks Plattdüütsch - dat gifft vööl Dialekten un de Spraak wannelt sük. Mitunner erfinnen de Plattdüütschen ok geern Worden as "Plüschmors" oder "Huulbessen"? Wat schall´n daarvan hollen? Imke Schwarz un Benita Brunnert snacken, proten un kören mit Thees Becker. He studeert Plattdüütsch in Oldenbörg, sitt in´n Bunnesraat för Nedderdüütsch, steiht regelmäßig as Prädikant up de Kanzel un is mit Poetry-Slam up Platt unnerwegens. Genug Grünnen, mit Thees mal "up Keierpadden" to gahn!

So wiet de Foten dragen

imke.schwarz@evlka.de (Imke Schwarz un Benita Brunnert) — Thu, 01 Jan 2026 22:00:00 +0100

Imke Schwarz un Benita Brunnert sünd geern to Foot unnerwegens - up Pilgerwegen, bi d´Mammutmarsch oder eenfach bi´n lüttje Gang vör de Döör. Waarüm egentlich? Wat is so mooi daaran, to wannern, to pilgern, to keiern? Wat kann een dat geben? Maak di up Padd un höör rin bi de neje Folge van "Up Keierpadden"!

Backe Backe Koken!

imke.schwarz@evlka.de (Imke Schwarz un Benita Brunnert) — Mon, 08 Dec 2025 09:21:00 +0100

Benita Brunnert un Imke Schwarz sünd up hör "Keierpadden" in de Wiehnachtsbackeree landt. Se proten in de 19. Folge van hör Podcast mit Jan-Henning Körner, de letzte Backer von Finkenwarder, de noch sülvst backt.

Plattdüütsch in de School

imke.schwarz@evlka.de (Imke Schwarz un Benita Brunnert) — Thu, 06 Nov 2025 20:00:00 +0100

Up hör Keierpadden kieken Imke Schwarz un Benita Brunnert ditmal in de School vörbi: Mit Mesterke Frauke Müller snacken de beid över Unnerricht froher un vandaag, över Rallyes un Kinnerleeder, över Schneewittchen up Platt un wat Fraukes Oma mit de ganze Saak to doon hett.

Plattdüütsch in de Pleeg - mit Heinrich Siefer

imke.schwarz@evlka.de (Imke Schwarz un Benita Brunnert) — Thu, 02 Oct 2025 23:00:00 +0200

"Plattdüütsch is´n Kompetenz" - dat seggt Heinrich Siefer. He hett lang mit Plegerinnen un Plegers in de katholische Akademie Stapelfeld arbeid´t un daar is hüm klar worden, wo groot de Bedüden van Plattdüütsch in de Pleeg is. He vertellt Imke Schwarz un Benita Brunnert, wat Plattdüütsch in Krankenhuusen un Pleeg-Inrichtungen bewirken un wo een dat lehren kann.

"Di plück ik noch" - van´t Aarnten

imke.schwarz@evlka.de (Imke Schwarz un Benita Brunnert) — Fri, 05 Sep 2025 03:00:00 +0200

Bickbejen, Brummelbejen, Krüüsbejen - disse mooi plattdüütsch Worden kummen in´n Harvst besünners to Ehren: Denn wi köönt aarnten! Imke Schwarz un Benita Brunnert sammeln "Up Keierpadden" lecker Früchten in: Ut´t Tuun un van´t Balkon, van anner Lüü un middent ut´t Leben.

Snack mit Christian Richard Bauer

imke.schwarz@evlka.de (Imke Schwarz un Benita Brunnert) — Sat, 19 Jul 2025 07:46:00 +0200

Benita Brunnert un Imke Schwarz sünd weer "Up Keierpadden" unnerwegens. Man ditmal nich alleen. Se snacken mit Christian Richard Bauer - Schauspieler, Sänger, Plattdüütsch-Coach un´n "Hambörger Jung". Dat geiht över´n lüttjen, Jung, der Platt för sük entdeckt, över´t Ohnsorg-Theater, Shakespeare up Platt un Bredder, de de Welt bedüden.

Sömmergedanken

imke.schwarz@evlka.de (Imke Schwarz un Benita Brunnert) — Fri, 04 Jul 2025 07:00:00 +0200

Endlich Sömmer! Oder lever nich? In de 14. Folge van hör Podcast "Up Keierpadden" hebbt Benita Brunnert un Imke Schwarz dat över de Sömmer - un sien Schaddensieden. Över Bowle, Blömen und Botterlickers. Sömmergedanken, licht un luftig, mit´n Ogenzwinkern un´n Prise Ironie. Up Platt, na klar.

Daarför brann ik!

imke.schwarz@evlka.de (Imke Schwarz un Benita Brunnert) — Fri, 06 Jun 2025 09:12:00 +0200

Imke Schwarz un Benita Brunnert sünd weer "Up Keierpadden" unnerwegens - ditmal tosamen mit de Hillige Geist. Pingsten is dat Thema un daar stellen sük Fragen: Wat be-geistert uns? Waarför brannen wi? Un nich toletzt: Benita, weetst du, wat dat mit Pingsten up sük hett?

"Ruum Hart, klar Kimm"

imke.schwarz@evlka.de (Imke Schwarz un Benita Brunnert) — Sun, 04 May 2025 20:03:00 +0200

Up Karkendag in Hannover gung uns Podcast live! In de Messehallen hebbt Imke Schwarz un Benita Brunnert mit Musikerin Sabine Hermann proot´t. Över Freeheit, dat ewige Leben un hör Karkendaagsleed "Ruum Hart, klar Kimm".

Heff Moot - wees stark - wies dien Hart!

imke.schwarz@evlka.de (Imke Schwarz un Benita Brunnert) — Thu, 03 Apr 2025 18:00:00 +0200

Waar hest du toletzt Moot bewesen? Kannst du ok mal schwack wesen? Wat liggt di an´t Hart? Imke Schwarz un Benita Brunnert nehmen in de 11. Folge van hör Podcast "Up Keierpadden" mal dat Motto för de Karkendag in Hannover utnanner: "Heff Moot - wees stark - wies dien Hart!"

Ik bün Landwirtin!

imke.schwarz@evlka.de (Imke Schwarz un Benita Brunnert) — Thu, 06 Mar 2025 12:28:00 +0100

In de 10. Folge van hör Podcast sünd Imke Schwarz un Benita Brunnert weer mit´n Gast "Up Keierpadden" unnerwegens. Se proten mit Tanja Harms, Landwirtin ut Ostfreesland. Un kriegen vööl to hören över Weideland, Milchpries und de Koh Viola.

Maskenball

imke.schwarz@evlka.de (Imke Schwarz un Benita Brunnert) — Thu, 06 Feb 2025 10:49:00 +0100

"Dat büst doch gar nich du!" Imke Schwarz un Benita Brunnert setten in de neje Folge van hör Podcast Masken up. Up Keierpadden komen se mitnanner in`t Snacken över Kostüme un Karneval, Rullenspööl un Rampenlucht.

Ünnerbreken

imke.schwarz@evlka.de (Imke Schwarz un Benita Brunnert) — Thu, 02 Jan 2025 15:30:00 +0100

Drück mal de Stopptaste! Segg af, maak Paus, ünnerbreek di sülvst: Benita Brunnert un Imke Schwarz fangen dat neje Jahr an mit ´n "Ünnerbreken". In disse Folge van hör Podcast "Up Keierpadden" hebbt de beid dar daaröver, wat man allns ünnerbreken kann un waarüm dat Sinn hett - oder ok nich! Een Gastbidrag in disse Podcast kummt van Pastorin Enna Wilts ut Lüneburg.

Ik schenk di wat!

imke.schwarz@evlka.de (Imke Schwarz un Benita Brunnert) — Thu, 05 Dec 2024 16:08:00 +0100

Wat sall ik bloot schenken? Un wat will ik nooid schunken kriegen? Waarüm schenken wi an Wiehnachten? Un waarüm ok nich? In disse Folg van de Podcast "Up Keierpadden" dreiht sük allns üm dat mooiste un stuurste Thema vör Wiehnachten: Dat Schenken!

Vun´t Lesen

imke.schwarz@evlka.de (Imke Schwarz un Benita Brunnert) — Thu, 31 Oct 2024 10:00:00 +0100

Nu beginnt de Harvst, de düüster Tied - un daarmit ok de Tied to´n Lesen! Imke Schwarz un Benita Brunnert erinnern sük daaran, wat se as Kinner leest hebbt un vertellen daarvan, welke Book nu ganz boben up de "To-read"-Stapel liggt. Un se fragen sük: Gifft dat ok gode Literatur up Platt?

Afscheed

imke.schwarz@evlka.de (Imke Schwarz un Benita Brunnert) — Thu, 03 Oct 2024 08:29:00 +0200

In disse Folg hebben Imke Schwarz un Benita Brunnert ´n eernst Thema an´n Wickel: "Afscheed". Daaröver proten se nich alleen: Dirk Tiedemann is as Gast daarbi - he is Truurredner in Hambörg. Waarüm fallt Afscheed so stuur? Wat könen Rituale? Un wat kann trösten? Disse un anner Fragen sünd Thema in de 5. Folg van "Up Keierpadden".

Uprümen!

imke.schwarz@evlka.de (Imke Schwarz un Benita Brunnert) — Sat, 17 Aug 2024 17:46:00 +0200

Dat kann weg! Ach nee, doch nich...
Wo hest du dat mit Uprümen? Hest du´t all schier of herrscht bi di dat kreative Chaos? Imke Schwarz un Benita Brunnert unnerhollen sük över Kramschuvladen, Schlumpdörpen un daaröver, wo man T-Shirts rulld.
Dat man ok Seel un Liev mal so rechtschapen uprümen kann, versteiht sük van sülvst...

Maak di kien Sörgen!

imke.schwarz@evlka.de (Imke Schwarz un Benita Brunnert) — Thu, 01 Aug 2024 09:07:00 +0200

"Maak di kien Sörgen!" Dat seggt sük so licht hen. Imke Schwarz un Benita Brunnert kieken sük in disse Folg de Sörgen mal genauer an. Waarüm maken wi uns Sörgen? Un wat kann man doon, wenn de to groot worden? Waarüm maakt sük Jesus överhoopt kien Sörgen? Disse un anner Fragen hebbt de beid an´n Wickel.

Unnerwegens

imke.schwarz@evlka.de (Imke Schwarz un Benita Brunnert) — Fri, 05 Jul 2024 06:40:00 +0200

Büst du geern unnerwegen? Oder lever tohuus? Wat beleevst du unnerwegens? Wat hest du bi di? Disse un anner Fragen stellen Benita Brunnert un Imke Schwarz in de 2. Folg van hör Podcast "Up Keierpadden". Se snacken un proten över dat "Unnerwegens-Wesen" un dat Ankomen. Un daaröver, waarüm dat manchmal beter is, gar nich to snacken...

Van´t Anfangen

imke.schwarz@evlka.de (Imke Schwarz und Benita Brunnert) — Mon, 27 May 2024 14:22:00 +0200

Wo fangt man an? Waarüm is Anfangen manchmal so swaar? Wat helpt, antofangen? Imke Schwarz un Benita Brunnert gahn up Padd un snacken mitnanner över dat "Anfangen".

Nu geiht dat los!

imke.schwarz@evlka.de (Imke Schwarz und Benita Brunnert) — Mon, 27 May 2024 14:10:00 +0200

Dit is de Uptakt van de Podcast "Up Keierpadden". Hier kriggst du to weten, well Imke Schwarz un Benita Brunnert sünd un wat se mit hör Podcast vörhebbt. Wat "Keierpadden" sünd, ward natürlich ok verklart!